काठमाडौं । सरकारले नेपाल वायूसेवा निगमको कार्यकारी अध्यक्षमा युवराज अधिकारीलाई नियुक्त गरेको छ । मन्त्रिपरिषद्को सोमवार बसेको वैठकले अधिकारीलाई निगम अध्यक्ष नियुक्त गर्ने निर्णय गरेको हो ।

यसअघि निगम अध्यक्ष रहेका सुशील घिमिरे राजीनामा दिएपछि सो पद रिक्त रहेको थियो ।

निगमका अध्यक्ष सुशील घिमिरेको राजीनामा स्वीकृतसँगै अधिकारीलाई कार्यकारी अध्यक्ष बनाउने मन्त्रिपरिषद्ले निर्णय गरेको सरकार प्रवक्ता तथा सञ्चार तथा सूचना प्रविधि मन्त्री ज्ञानेन्द्रबहादुर कार्कीले जानकारी दिए।

अधिकारीले केहीवर्षअघि निगमकै निर्देशक पदबाट अवकाश पाएका थिए ।