काठमााडौं । बेमौसमी वर्षाले पु¥याएको धानबालीको क्षतिबारे अध्ययन गर्न सरकारले कार्यदल बनाएको छ ।

मन्त्रिपरिषदको सोमवार बसेको बैठकले गृहमन्त्रालयका सचिव टेकनारायण पाण्डेको संयोजकत्वमा अध्ययन कार्यदल बनाएको सरकारका प्रवक्ता ज्ञानेन्द्रबहादुर कार्कीले जानकारी दिए ।

गृह मन्त्रालयका सचिवको संयोजकत्वमा गठित कार्यदलमा कृषि तथा पशुपंक्षी विकास मन्त्रालयका सचिव, अर्थ मन्त्रालयका सचिव, उद्योग वाणिज्य तथा आपूर्ति मन्त्रालयका सचिव, संघीय मामिला तथा सामान्य प्रशासनका सचिव र राष्ट्रिय योजना आयोगका सचिव सदस्य रहेको कार्यदल गठन गर्ने मन्त्रिपरिषदले निर्णय गरेको उनले जानकारी दिए ।

उक्त कार्यदललाई तीन दिनभित्र प्रतिवेदन पेस गर्न भनिएको छ ।

बेमौसमी वर्षाका कारण प्रदेश १, लुम्बिनी प्रदेश, सुदूरपश्चिममा धानबालीमा ठूलो क्षति पुगेको छ ।

प्रहरीको रासन १५ प्रतिशत वृद्धि

सरकारले प्रहरीको रासनको दररेटमा १५ प्रतिशत वृद्धि गर्ने भएको छ ।

सोमबार बसेको मन्त्रिपरिषद्को बैठकले नेपाल प्रहरी र सशस्त्र प्रहरीको रासनको दररेट १५ प्रतिशतले बढाएर उपलब्ध गराउने निर्णय गरेको सरकारका प्रवक्ता एवं सञ्चार कार्कीले जानकारी दिए ।

त्यसैगरी, सरकारले नेपाल पुनर्बीमा कम्पनी लिमिटेडको सञ्चालक समितिको अध्यक्षमा डा. रविन्द्र घिमिरेलाई नियुक्त गरेको छ ।
मन्त्रिपरिषद् वैठकमा कम्पनीको सदस्यमा भने मदन पोखरेललाई नियुक्त गरेको छ ।

यस्तै, बैठकले कोभिड–१९ को महामारीबाट प्रभावित अतिविपन्न परिवारलाई नगद हस्तान्तरण कार्यविधि, २०७८ पनि मन्त्रिपरिषद्ले स्वीकृत गरेको छ ।

यो पनि,

वायूसेवा निगमको कार्यकारी अध्यक्षमा अधिकारी नियुक्त