काठमाडौँ । सर्वोच्च अदालका न्यायाधिशहरु आज पनि छलफल गर्ने भएको छन् । प्रधानन्यायाधिश चालेन्द्र शमसेर जबराले राजीनामा दिनुपर्ने माग राख्दै आएका सर्वोच्चका १४ न्यायाधिश आज पनि छलफल गर्न लागेका हुन् ।

न्यायाधिशहरुले छलफल पछात प्रधानन्यायाधिश जबरासमक्ष लिखीत माग राख्ने बताइएको छ । न्यायाधिशहरु ११ बजे छलफलमा जुट्दै छन् । प्रधानन्यायाधिशले सरकारमा भाग खोजेको, न्यायालयको गरिमामा आँच आउने काम गरेको भन्दै उनको राजनीमा माग गरिएको छ । यसअघि सर्वोच्चका न्यायाधिशहरुले राजीनामा दिन मौखिक आग्रह गरेकोमा आज लिखित माग गर्ने बताएको छ ।

यस्तै नेपाल बार एशोसिएसन, सर्वोच्च बार एशोसिएसन र पूर्व प्रधानन्यायाधिशहरुले पनि प्रधानन्यायाधिश जबराको राजीनामा माग गरेका छन् । तर प्रधानन्यायाधिश जबराले कसैले राजीनामा माग्दैमा राजीनामा नदिने बताएका छन् । उनले प्रश्न उठेका सबै न्यायाधिशले राजीनामा दिए आफूले पनि दिने बताए । यस्तै न्यायाधिशहरु छलफलमा जुट्न थालेपछि सर्वोच्चका इजलास प्रभावित हुने भएका छन् । मंगलबार पनि इजलास प्रभावित भएका थिए ।