काठमाडौँ । सरकारले नेपाल धितोपत्र बोर्डको अध्यक्ष नियुक्ति प्रकृया अगाडि बढाएको छ । बोर्डका यसअघिका अध्यक्ष भीष्मराज ढुंगानालाई बर्खास्त गरेपछि सरकारले नयाँ अध्यक्ष नियुक्तिको प्रकृया सुरु गरेको हो ।

ढुगानाले पदमा रहेका बेला छोरी र परिवारका नाममा आँफैले स्वीकृति दिने कम्पनीको सेयर खरीद गरेको पुष्टी भएपछि बर्खास्त गरिएको थियो । न्यायिक छानबिनले ढुंगानाले पदको दूरुपयोग गरेको खुलेको थियो ।

सरकारले अध्यक्षका लागि आगामी १५ दिनभित्र आवेदन दिन आह्वान गरेको छ । अर्थमन्त्रालयले केही दिनअघि अध्यक्ष नियुक्तिका लागि छनौट समिति बनाएका थिए ।

अध्यक्ष हुनका लागि धितोपत्र बजार ब्यवस्थापन, पुँजी बजार विकास, आर्थिक वित्तीय, बाणिज्य, ब्यवस्थापन वा कानुननमा कम्तिमा सात बर्षको पेशागत अनुभव अनिवार्य छ । उमेर ३० बर्ष पुराभई ६० बर्ष ननाघेको हुनु पर्ने छ ।

अहिले अध्यक्षका लागि माओबादी र कांग्रेसमा आबद्ध भएकाहरु अग्रसर देखिएका छन् ।