काठमाडौँ । बागमती प्रदेशका सभामुख सानुकुमार श्रेष्ठको निमन्त्रणामा नेपाल आएका स्पेनको एक्त्रेमादुरा प्रदेशकी सभामुख ब्लान्का मार्टिन डेल्गाडोको टोलीले पाटन दरबार क्षेत्रको अवलोकन गरेका छन् । सभामुख डेल्गाडोको नेतृत्वमा २४ सदस्यीय प्रतिनिधिमण्डल बिहीबार काठमाडौ‌ँ आइपुगेका थिए ।

६ दिनको भ्रमणमा आएको स्पेनी प्रतिनिधि मण्डलले नेपालमा रहँदा विभिन्न विशिष्ट व्यक्तित्वसँग भेटवार्ता गर्ने भएका छन् । साथै विभिन्न धार्मिक स्थलको अवलोकन गर्ने कार्यक्रम रहेको छ ।

उनीहरूले पाटन दरबार क्षेत्र, भक्तपुर दरबार क्षेत्र, स्वयम्भूनाथको अवलोकन गर्नुका साथै लुम्बिनीमा आयोजित कार्यक्रममा सहभागी हुने कार्यक्रम रहेको छ ।