काठमाडौं । गैर आवासीय नेपाली सङ्घ (एनआरएनए) महिला तथा युवा विभाग र मनमोहन मेमोरियल अस्पतालको सहयोगमा सञ्चालन गरेको स्वास्थ्य शिविरमा ४३ जना महिलाले पाठेघरको मुख र स्तन क्यान्सरको परीक्षण सेवा लिएका छन् ।

फरपिङ्गमा शुक्रबार बिहान १० बजेदेखि ३ बजेसम्म स्वास्थ्य शिविर सञ्चालन भएको थियो ।

उक्त पाठेघर र स्तन क्यान्सर परीक्षण एक दिनको शिविरमा ५ जनामा महिलामा पाठेघरको क्यान्सरको संक्रमण देखिएको पाईएको शिविरका संयोजक गंगाराम कँडेलले जानकारी दिए।

उनका अनुसार शिविरमा दुई महिलामा स्तन क्यान्सरको लक्षण ( स्तनमा गाठा) देखिएको छ ।

उनले भने , ‘४३ जना महिलामध्ये अधिकाशंमा पाठेघरको संक्रमण देखिएको छ ।’ पछिल्लो लाज र संकोचका कारण महिलाहरु समयमा उपचार गर्न नजाने गरेको चिकित्सकहरु बताउँछन् । चिकित्सकहरुका अनुसार समयमै उपचार गरे स्तन क्यान्सर निको हुन्छ ।