शनिबार, फागुन ३, २०८१

एमाले–कांग्रेस नेतासहित ८ जुवाडे पक्राउ

मेरोन्यूज २०७८ कार्तिक १२ गते २१:२४


दाङ् । दाङको तुलसीपुरबाट शुक्रबार दिउँसो नेकपा एमाले र कांग्रेसका नेतासहित ८ जना जुवाडेलाई प्रहरीले पक्राउ गरेको छ ।

तुलसीपुर उपमहानगरपालिका वडा नं. ६ रजौरास्थित बासु आचार्यको टहरामा शुक्रबार अपरान्ह ४ बजेतिर कौडा खेलिरहेको अवस्थामा प्रहरीले उनीहरुलाई पक्राउ गरेको हो ।

पक्राउ पर्नेमा एमाले प्रदेश कमिटी सदस्य र दाङ निर्वाचन क्षेत्र नं. ३ का इञ्चार्ज रहेका तुलसीपुरका मानबहादुर रावत, कांग्रेस नेता दीपु गिरी, सुरेन्द्र हमाल लगायत छन् । पक्राउ परेका उनीहरुलाई इलाका प्रहरी कार्यालय तुलसीपुरको थुनुवा कक्षमा राखिएको छ ।

Advertisement
IMEnabil

प्रतिक्रिया