काठमाडौँ । आईसीसी टी–ट्वान्टी विश्वकप क्रिकेटको सेमिफाइनलमा इंग्ल्याण्ड प्रवेश गरेको छ । श्रीलंकालाई २६ रनले हराउँदै इंग्ल्याण्ड विश्वकपको सेमिफाइनलमा पुग्ने पहिलो टिम बनेको हो ।

सारजहामा सोमबार राति भएको खेलमा इंग्ल्याण्डले दिएको १ सय ६४ रनको लक्ष्य पछ्याएको श्रीलंका १९ ओभरमा अलआउट हुँदै १ सय ३७ रन बनाएको थियो । चार खेल खेलको इंग्ल्याण्ड एक खेल अगाडि नै सेमिफाइनलमा पुगेको हो ।

समूह एकमा शीर्ष स्थानमा रहेको इंग्ल्याण्डले ४ खेलमा ८ अंक जोडेको छ । चौथो स्थानमा रहेको श्रीलंकाको ४ खेलमा २ अंक छ ।