काठमाडौँ । आईसीसी टी–२० विश्वकप क्रिकेटमा साविक विजेता वेस्ट इन्डिज समूह चरणबाट बाहिरिएको छ । गएराति आबुधाबीमा भएको खेलमा श्रीलंकासंग २० रनले पराजित भएपछि वेस्ट इन्डिज समूह चरणबाट बाहिरिएको हो ।

श्रीलंकाले दिएको १ सय ९० रनको लक्ष्य पछ्याएको वेस्ट इन्डिजले ८ विकेट गुमाएर १ सय ६९ रन बनाएको थियो । वेस्ट इन्डिजले चार खेलमा एक खेल जितेको छ । एक खेलमा जित र तीन खेलमा पराजित श्रीलंका पनि प्रतियोगिताबाट बाहिरिएको छ ।