काठमाडौ । नेपालमा पछिल्लो २४ घण्टामा २ सय ९५ जनामा कोरोना भाइरसको संक्रमण पुष्टि भएको छ ।

देशभरका विभिन्न प्रयोगशालामा ५ हजार २२५ जनाको पीसीआर परीक्षणमा २६० र ३ हजार १८ जनाको एन्टिजेन विधिबाट गरिएको परीक्षणमा ३५ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

कोरोना संक्रमण पुष्टी भएका थप दुई जनाको पछिल्लो २४ घण्टाको अवधिमा मृत्यु भएको पनि मन्त्रालयले जनाएको छ ।

हालसम्म देशमा कोभिड–१९ बाट ज्यान गुमाउनेको संख्या ११ हजार ४७१ को पुगेको छ ।

मन्त्रालयकाअनुसार पछिल्लो २४ घण्टाकै अवधिमा देशभरका विभिन्न अस्पतालबाट ४ सय ७८ जना कोरोना संक्रमणमुक्त भएका छन् ।

यसैबीच, काठमाडौं उपत्यकामा भने शनिवार ११८ जना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा काठमाडौंमा ७९, ललितपुरमा ३३ र भक्तपुरमा ६ संक्रमित थपिएका हुन् ।

काठमाडौं उपत्यकामा हाल १ हजार ४ सय ४९ सक्रिय संक्रमित छन् ।