काठमाडौँ । सर्वोच्च अदालतको मुख्य प्रवेशद्धारमा प्रधानन्यायाधीश चोलेन्द्र शम्सेर जबराका समर्थकहरुले प्रदर्शन गरेका छन् । उनीहरुले कानून व्यवासायीविरुद्ध सर्वोच्च अगाडि नाराबाजी गरेका हुन् ।

कानुन व्यवसायीहरुको जारी आन्दोलनका कारण न्याय निरुपणको काम अवरुद्ध भएको भन्दै उनीहरुले विरोधमा प्रदर्शन गरेका छन् । प्रदर्शनमा सहभागी मजदूर संगठनका अध्यक्ष मनोज सापकोटा, सामाजिक अभियान्ता तारा बराल, सावित्री घिमिरे लगाएतलाई प्रहरीले नियन्त्रमा लिएको छ । प्रदर्शनलाई लक्षित गरी सर्वोच्च परिसरमा सुरक्षा व्यवस्था कडा पारिएको छ ।