काठमाडौँ । प्रधानन्यायाधीश चोलेन्द्रशमसेर जबराले ९ इजलास गठन गरेका छन् । उनले बुधबार ९ इजलासका लागि १ सय ८६ मुद्दाको पेसी तोकेका हुन् ।

बारको धर्ना र असन्तुष्ट न्यायाधीशहरूको बहिष्कारबीच प्रधानन्यायाधीश जबराले दुई एकल र सात संयुक्त इजलासमा पेसी तोकेका छन् । प्रधानन्यायाधीश जबराले आफूबाहेकको इजलास गठन गरेका हुन् ।

प्रधानन्यायाधीशको राजीनामा माग गर्दै आएका असन्तुष्ट न्यायाधीशहरुमा विभाजन आएको छ । ६ न्यायाधीशले विद्रोह गरेर मंगलबारदेखि इजलासमा फर्केका छन् ।