काठमाडौँ । नेपाल बारले एशोसिएशनले आफूहरुको आन्दोलनमाथि प्रहरीले दमन गरेको बताएको छ । बारले बिहीबार पत्रकार सम्मेलन गरी आफूहरुको शान्त्तिपूर्ण आन्दोलनलाई प्रहरीले दमन गरेको भन्दै आन्दोलन थप सशक्त बनाउने घोषणा गरेको हो ।

प्रधानन्यायाधीश चोलेन्द्र शमसेर जबराको राजीनामाको माग गर्दै आन्दोलनरत कानून व्यवसायीहरुले आन्दोलनमाथि प्रहरी दमन निन्दनीय भएको बताए । बारले आजको शान्तिपूर्ण प्रदर्शनमा प्रहरी हस्तक्षेपबाट अध्यक्ष चण्डेश्वर ढकाल र केन्द्रीय सदस्य प्रकाश महर्जन घाइते भएकोप्रति आपत्ति जनाएको छ ।

प्रधानन्यायाधीशले राजीनामा नदिएसम्म आन्दोलन नरोकिने बारले जनाएको छ । यस्तै बारले सर्वोच्च परिसरमा एसएलआर हतियारसहितका प्रहरी राखिएको भन्दै आफ्नो अदालतलाई युद्धमैदान बनाएको बताएको हो ।