काठमाडौं । नेकपा एमालेले प्रमुख सत्तारुढ दल नेपाली काग्रेसका सभापति तथा प्रधानमन्त्री शेरवहादुर देउवालाई पार्टीको महाधिवेशनमा निम्तो गरेको छ । अध्यक्ष केपी शर्मा ओली आफु सरकारबाट वाहिरिएपछि अहिलेसम्म बालुवाटार पुगेका छैनन । प्रधानमन्त्रीको सपथ ग्रहण समारोह समेत उनले वहिष्कार गरेका थिए । पार्टीको महाधिवेशनको निम्तो पनि उनले आफनो तर्फबाट पार्टी संसदीय दलका उपनेता सुवास नेम्वाङ र नेता राजन भटटराई मार्फत बालुवाटार पठाएका हुन् ।

गत असार २८ मा एमाले अध्यक्ष ओली सत्तावाट हटेपछि प्रधानमन्त्री देउवाले प्रतिपक्षसँग सम्वन्ध सुधारका लागि आफना मन्त्री ज्ञानेन्द्रवहादुर कार्कीलाई बालकोट पठाएपनि उनी सकारात्मक देखिएका छैनन । कांग्रेस, माओवादी केन्द्र, जनता समाजवादी र एमाले टुक्राएर माधव नेपालले बनाएको नेकपा एकीकृत समाजवादी र राष्टिय जनमोर्चा समेतको गठबन्धनमा कांग्रेस सभापति शेरवहादुर देउवा प्रधानमन्त्री चुनिएपछि ओली सत्तागठबन्धनसँग आक्रोशित हुँदै आएका छन् ।

एमालेको १० औं महाधिवेशन अवको एक सातापछि मंसिर १० देखि १२ सम्म चितवनमा हुँदैछ । त्यसैको निम्तो लिएर एमाले नेताहरु प्रधानमन्त्री भेटन बालुवाटार पुगेका हुन् ।

नेम्वाङले आफूहरुले पार्टी र अध्यक्षका तर्फबाट महाधिवेशनको निम्तो दिन बालुवाटार आएको जानकारी प्रधानमन्त्रीलाई गराएका थिए ।

त्यसपछि प्रधानमन्त्रीले पनि निम्तोका लागि धन्यवाद ब्यक्त गरेका थिए । प्रधानमन्त्रीले आफु एमाले महाधिवेशनमा आउने जानकारी एमाले नेताहरुलाई दिएको निम्तो वोकेर पुगेका एमाले उपनेता नेम्वाङले जानकारी दिए ।

एमालेले एमालेवाट विभाजित भएको माधव नेपालको पार्टी नेकपा एकीकृत समाजवादीलाई भने निम्तो नगर्ने यस अगाडी नै बताईसकेको छ ।