काठमाडौँ । सत्ता गठबन्धन दल नेकपा माओवादी केन्द्रले आज ६ हजार ७४३ वडामा नेतृत्व चयन गर्ने भएको छ । आगामी पुस ११ गतेदेखि १३ गतेसम्म काठमाडौँमा हुने राष्ट्रिय सम्मेलनलाई लक्षित गर्दै आज देशभर वडा अधिवेशन गर्न लागेको हो ।

पार्टीले केन्द्रबाहेक तीन चरणमा सम्मेलन गर्ने भएको छ । जसअनुसार वडा सम्मेलनपछि आगामी ११ गते पालिका तथा नगर सम्मेलन र २५ गते प्रदेश सम्मेलन गर्ने कार्य तालिका रहेको छ ।

वडादेखि केन्द्रीय तहसम्म निर्वाचन हुँदा पार्टीका तीन लाख कार्यकर्ताले एउटा पदीय जिम्मेवारी पाउने छन् । यस्तै, आठ हजारभन्दा धेरै समिति गठन हुने भएको छ ।

निर्वाचन आयोगले सबै जिल्ला र प्रदेशमा निर्वाचन समिति बनाएर काम गरिरहेको छ ।