काठमाडौं । रुकुमका लागि उडेको नेपाल एयरलाइन्सको ट्वीनअटर बिमान नेपालगञ्जमा रोकिएपछि यात्रुहरु अलपत्र परेका छन् । उक्त विमानका पाइलट पेम्बा शेर्पाले ड्यूटी सकिएको भन्दै नेपालगञ्जमा अवतरण गराएका थिए ।

त्रिभुवन अन्तराष्ट्रिय विमानस्थल काठमाडौंबाट नेपाल एयरलाइन्सको ट्वीनअटर विमान रुकुमको चौरजहारी विमानस्थलका लागि उडेको थियो । जहाजमा ८ जना यात्रुले यात्रा गरिरहेका थिए । यात्रुहरु चाडै रुकम आइपुगेको सोचेपनि जहाजबाट बाहिर निस्कदा नेपालगञ्ज भएको थाहा पाएका थिए ।

नेपाल वायुसेवा निगमका कार्यकारी अध्यक्ष युवराज अधिकारीले यात्रुलाई बीचमा नै छाडिएको भन्ने जानकारी पाएको बताए । उनले यात्रुले दुःख पाएको विषयमा नेपाल वायुसेवा निगमले अध्ययन गर्ने र यात्रुलाई क्षतिपूर्ती दिने जनाएका छन् ।