काठमाडौं । नेकपा एमालेका अध्यक्ष केपी शर्मा ओलीले मंसिर १० देखि शुरु हुन लागेको पार्टीको १० औं महाधिवेशनमा आफुले अध्यक्षमा उम्मेदवारी घोषणा गरिनसकेको बताएका छन् । पार्टीको महाधिवेशनको पूर्वसन्ध्यामा सम्पादकहरुसगको कुराकानीका क्रममा अध्यक्ष ओलीले त्यस्तो बताएका हुन् ।

ओलीले समझदारी, सहमति र एकता पार्टीमा महत्वपूर्ण भएको भन्दै आफुले अहिले नै उम्मेदवारी घोषणा गरिनसकेको बताएका हुन् । तर उनले यसो गरिरहँदा लोकतान्त्रिक अभ्यासलाई नजरअन्दाज नगर्ने पनि बताए ।

ओली नै एमालेमा अध्यक्ष हुदैछन् । तर उनले सर्वसम्मत अध्यक्ष बन्ने योजना बनाईरहेका बेला पार्टीकै उपाध्यक्ष भीम रावलले अध्यक्षमा उममेदवारी घोषणा गरिसकेका छन् । ओलीले रावलको उम्मेदवारीलाई आफुले चुनौति नठानेको पनि वताए ।

भिडियाेः

त्यसलाई उनले आफूप्रति माया र सम्मान नै रावलले देखाएको बताए । ओलीले प्रतिस्पर्धाको लागि सबैलाई छुट भएको भन्दै कसैलाई करकाप नगर्ने बताएकार प्रतिस्पर्धीकै बीचमा सहमति भएर नेतृत्व छानिने बताए ।

उनले पार्टीको अवको महासचिवका बारेमा आफुले कसैलाई पनि अहिले अगाडी नसारेको पनि प्रष्टाए । महासचिव र वरिष्ठ उपाध्यक्षमा ओललिे कसलाई अगाडी सार्लान् भन्ने चर्चा चलिरहेका बेला पत्रकारहरुको जिज्ञासामा ओलीले महासचिवमा आफुले कसैलाई पनि अगाडी नसारेको बताए । ‘महासचिवमा अगाडि कसैलाई मन पराएको छैन । जो छानिन्छ उसैलाई मन पराउछु । सहमति हुन्छ भने राम्रो, हुदैन भने कसैलाई करकाप गर्दिन । कसैको अवसरमा भाँजो हाल्दिन । मेरो नजरमा सबै नेता उस्तै हुन् ।’ ओलीले भने ।