सौराह (चितवन) । नेकपा एमालेको महाधिवेशनको बन्दशत्र अझै शुरु हुन सकेको छैन । विहान १० बजेवाट शुरु हुने भनिएपनि अध्यक्ष केपी ओली आफु निकट नेताहरुसँगको छलफलमा रहेको र वेलुकी बनाएको विधान संसोधन प्रस्ताव अनुसार सहमतिको प्रयासमा जुटेपछि दुई घण्टा पछि वन्द शत्र शुरु हुने गरी मध्यान्ह १२ वजेका लागि सारिएको थियो । तर अझै पनि एमालेको वन्दशत्र शुरु हुन सकेको छैन ।

अध्यक्षमा भीम रावलले एक भोट आएपनि प्रतिस्पर्धा गर्ने बताईरहेकै छन् । वरिष्ठ उपाध्यक्ष र महासचिवमा ओली निकटका नेताहरुकै वीचमा सहमति जुटन सकेको छैन । जसकाकारण ओलीलाई अप्ठ्यारो परिरहेको छ । वरिष्ठमा उपाध्यक्षमा ईश्वर पोखरेल र सुवासचन्द्र नेम्वाङ र महासचिवमा विष्णु पौडेल र शंकर पोखरेलको दाबी कायमै रहेको छ ।

बन्दसत्रस्थल होटल पार्क सफारीमा ओली अझै पनि छलफलमा छन् ।

संसदीय दलका उपनेता नेम्वाङले सहमतिको प्रयास जारी रहेको बताए । उनले सहमतिका लागि अध्यक्ष ओलीले सबैसँग छलफल गरिरहेको छन् ।

अव सहमति जुटन नसकेपछि ओली वन्दशत्र हलमा जाने तयारीमा छन् । ओली छलफलमा रहेर वन्दशत्र ढिलो हुन थालेपछि महाधिवेशन प्रतिनिधीहरु भने सौराहमा घुम्ने, फोटो सेसन गर्ने जस्ता काममा लागिरहेका छन् ।