चितवन (सौराह) । चितवनमा दुई दिन यता चलिरहेको नेकपा एमालेको १० औं महाधिवेशन आज नयाँ नेतृत्व चयन गरेर सक्ने तयारी छ । शनिवार रातीसम्म चलेको बन्दशत्रले अध्यक्षका उम्मेदवार केपी ओलीलाई सर्वसम्मत पदाधिकारी देखि सदस्य सम्मको प्रस्ताव ल्याउन प्राधिकार दिएको छ ।

अध्यक्षका आकाक्षी उम्मेदवार भीम रावलको असहमतिका वावजुद पनि विष्णु पौडेलले ओलीलाई केन्द्य्रीय कमिटि (पदाधिकारी सहित सदस्यसम्म) सर्वसम्मत बनाएर प्रस्ताव ल्याउन जिम्मा दिने प्रस्ताव वन्दशत्रमा प्रस्तुत गरेका थिए ।

त्यसपछि हलले ताली बजाएर पौडेलको प्रस्ताव अनुमोदन गरेको थियो । त्यसमा रावलले लगत्तै असन्तुष्टि जनाउँदै आफनो अध्यक्षको उम्मेदवारी कायमै रहेको र आफु पछि नहटेको भन्दै अध्यक्षको उम्मेदवारले नै केन्द्रीय कमिटीको नाम सिफारिस गर्ने कुरा लोकतन्त्रको उपहास भएको भन्दै त्यसलाई नमान्ने घोषणा गरेका छन् ।

तर ओली पेलेरै अगाडी वढ्ने रणनीतिमा रहेकोले उनले आज विहान १० वजे फेरि बस्ने बन्दशत्रमा पदाधिकारी सहितका सदस्यहरुसम्मको प्रस्ताव पेश गर्नेछन् । एमालेमा अध्इक्ष १, वरिष्ठ उपाध्यक्ष एक सहित ७ उपाध्यक्ष, महासचिव १, उपमहासचिव ३, सचिव ७ गरी १९ सदस्यीय पदाधिकारी सहित ३०१ सदस्यीय केन्द्रीय कमिटि बनाउने गरी गोदावरीको विधान सम्मेलनले पारित गरेको विधानलाई ५६ दिनमै चितवन महाधिवेशनले संसोधन गरिसकेको छ ।

जसअनुसार अव एमालेको पदाधिकारी सहित केन्द्रीय कमिटीले ४५ सदस्यीय स्थायी कमिटी र ९९ सदस्यीय पोलिटब्यूरोे गठन गर्ने छ । विधानमा पोलिटब्यूरोको काम कर्तब्य र अधिकार पनि तोकिएको छ ।

यस्तो हुन्छ एमाले केन्द्य्रीय कमिटिमा प्रतिनिधित्व

– केन्द्रीय अनुशासन आयोग,केन्द्रीय लेखा आयोग र केन्द्रीय निर्वाचन आयोग अध्यक्ष, उपाध्यक्ष र सचिव सहित २५सदस्यीय हुनेछन् ।
– स्थायी कमिटीले आफनो कमिटीको कुल सदस्य संख्यामा नबढ्ने गरी केन्द्रीय सल्लाहकार परिषद गठन गर्न सक्ने छ । प्रदेश र जिल्ला कमिटीमा पनि सोही अनुरुप हुनेछन् ।
– प्रदेश कमिटी र जिल्ला कमिटीको आधार संख्या ७५ सदस्यीय हुनेछ ।
बन्द सत्रले ३०१ सदस्यीय केन्द्रीय कमिटीलाई विभिन्न क्षेत्रबाट प्रतिनिधित्व हुने गरी संख्या विभाजन गरेको छ ।
जसअनुसार,
 प्रत्येक प्रदेशबाट ६ खुला ३ महिला गरी ९ जना सहित ७ वटा प्रदेशबाट ६३ सदस्य निर्वाचित हुने
 उपत्यका विशेष समन्वयबाट १ खुला १ महिला गरी २ सदस्य निर्वाचित हुने
 सम्पर्क समन्वयबाट १ खुला १ महिला गरी २ सदस्य निर्वाचित हुने
 आदिवासी जनजातिबाट १७ खुला र ८ महिला गरी २५ सदस्य निर्वाचित हुने
 तराई मधेशबाट १३ खुला र ६ महिला सहित १९सदस्य निर्वाचित हुने
 दलित समुदायबाट ८ खुला ४ सहित १२ सदस्य निर्वाचित हुने
 थारु समुदायबाट ५ खुला २ महिला सहित ७ सदस्य निर्वाचित हुने
 मुस्लिम समुदायबाट ४ खुला १ महिला सहित ५सदस्य निर्वाचित हुने
 श्रमिक क्षेत्रबाट ४ खुला २ महिला सहित ६ सदस्य निर्वाचित हुने
 पिछडिएको क्षेत्रबाट ३ खुला १ महिला सहित ४ सदस्य निर्वाचित हुने
 खुला क्षेत्रबाट ८४ खुला ५३ महिला सहित १३७ सदस्य निर्वाचित हुने
– केन्द्रीय आयोगहरुमा अध्यक्ष, उपाध्यक्ष र सचिव सहित १३ खुला र ९ महिला सहित २५ सदस्य सदस्य निर्वाचित हुने संसोधित विधानमा ब्यवस्था छ ।

सोही आधारमा सवै क्लस्ष्टर मिलाएर ओलीले पदाधिकारी देखि सदस्यसम्मको सूचि तयार पारि आजको वन्दशत्रमा पेश गर्नेछन । त्यसलाई ताली वजाएर पारित गर्ने तयारीमा ओली पक्ष देखिन्छ । तर भीम् रावल घनश्याम भुसालले ओलीलाई त्यसरी दिएको पा्रधिकारको विरोधमा हिजोको वन्दशत्रमै आवाज उठाएकोले उनहिरुलाई ओलीले मनाउन कसरी सक्छन् ? त्यो पनि एमालेभित्र चासोको विषय बनेको छ । तर ओलीले रावललाई उपाध्यक्ष र भुसाललाई उपमहासचिव पद दिएर सहमतिको प्रयास गर्ने तयारी गरिरहेका छन् ।

कस्तो ल्याउलान् ओलीले पदाधिकारीमा प्रस्ताव ?

ओलीले नै पदाधिकारी सहित केन्द्रीय सदस्य सम्मको नाम सर्वसम्मत रुपमा प्रस्ताव गरेर ल्याउने जिम्मा दिएपछि एमालेमा पदाधिकारी को के पदमा आउलाने ? अहिले चितवन सौराहका विभिन्न होटलहरुमा वसेका महाधिवेशन प्रतिनिधीहरुका वीचमा चर्चा चल्न थालेको छ ।

पदाधिकारीका आकाक्षीहरु आफुले रोजेको र खोजेको पदमा ओलीको प्रस्तावमा समेटिन ओलीसँगको निरन्तर सम्वादमा छन् । वन्दशत्र राती सकिएपछि पनि शनिवार अवेर रातीसम्म ओली पक्षका नेताहरु ओलीसँगको सम्वादमा थिए । अहिले पनि विहानैवाट होली वसेको होटलमा नेताहरुको जमघट शुरु भईसकेको छ ।

ओलीले अध्यक्षमा आफुलाई राखेर अध्यक्षका आकाक्षी रहेका अर्का नेता भीम रावललाई उपाध्यक्षमा समेटने जमर्काे गरिरहेका छन् । वरिष्ठ उपाध्यक्षमा इश्वर पोखरेललाई नै सुरक्षित बनाउन उनले उपाध्यक्षमा आकाक्ष राखिरहेका सुवास नेम्वाडलाई चुनाव पछिको राष्टपतिसम्मको अफर गरेका थिए । तर सुवासले आफु कार्यकारी भूमिकामै रहने र पार्टी राजनीतिमै रहने भन्दै ओलीको त्यस्तो प्रस्तावलाई अश्वीकार गरिरहेको सन्र्दभमा ओलीले पदाधिकारी देखि सदस्यसम्मको प्रस्ताव तयार पार्ने जिम्मा आफैले वन्दशत्रको हलवाट लिएका हुन ।

त्यसो हुँदा ओलीले वरिष्ठ उपाध्यक्षमा इश्वर पोखरेल, उपाध्यक्ष ६ जनामा रामवहादुर थापा (बादल), अष्टलक्ष्मी शाक्य, भीम रावल, सुवास नेम्वाङ, विष्णु पौडेल र सुरेन्द्र पाण्डेलाई सेट गर्ने तयारी गरेका छन् । उनले पार्टीको कार्यकारी महासचिवमा भने आफ्ना विश्वासपात्र शंकर पोखरेललाई समेटने तयारी गरेका छन् । यधपी विष्णु पौडेलले पनि महासचिवमा दावी छोडेका छैनन ।

तर विष्णु र शंकरलाई समानान्तर रुपमा आफुपछिको उत्तराधिकारीका रुपमा एमालेमा विकास गर्ने उदेश्यले ओलीले पोखरेललाई महासचिव र विष्णु पौडेललाई उपाध्यक्षका रुपमा अगाडी लैजान खोजेका हुन् । विष्णुलाई महासचिव बनाउँदा पोखरेललाई उपमहासचिवमा मात्र समेटन सकिने र आफुले अर्काे महाधिवेशनवाट अध्यक्षमा पोखरेललाई तयार पार्न समय लाग्न सक्ने देखेर ओलीले विष्णुलाई उपाध्यक्ष र पोखरेललाई महासचिव बनाउने गरी दुवै नेतालाई समानान्तर रुपमा अगाडी सार्न खोजेका देखिएका छन् । त्यसो हुँदा महासचिवमा शंकर पोखरेलले वाजी मार्ने सम्भावना अधिक वढेर गएको छ ।

उपमहासचिवको तीन पदमा उनले उपाध्यक्ष दावी गरिरहेका घनश्याम भुसाल, प्रदीप ज्ञवाली र टोपबहादुर रायमाझीलाई समेटन खोजेका छन् । भुसाल यस अगाडी पनि उपमहासचिव नै थिए । उनलाई यसपटक पनि त्यही पदमा दोहोराएर आफना अर्का विश्वासपात्र ज्ञवालीलाई र माओवादी छोडेर एमालेमा आएका रायमाझीलाई उपमहासचिव बनाउने तयारीमा ओली देखिएका छन् ।

त्यस्तै ७ सचिव मध्येमा फेरि पनि पृथ्वीसुब्बा गुरुङ, गोकर्ण विष्ट, योगेश भट्टराईलाई उनले दोहोराएर समेटन चाहेका छन् । पृथ्वीसुब्बा ले उपाध्यक्ष या महासचिवमा दावी गरिरहेपनि उनलाई सचिवमै राख्ने तयारीमा ओली देखिन्छन् । अन्य ४ सचिवमा उनले रघुवीर महासेठ, विष्णु रिमाल , लेखराज भट्ट, लालबाबु पण्डित, यामलाल कँडेल, भानुभक्त ढकाल, पद्मा अर्याल लगायतवाट समेटने तयारी गरेका छन् । जसमध्ये लेखराज र विष्णु रिमाल ओलीको पहिलो प्रँथमिकतामा छन् । वाकी दुईमध्येमा रघुविर, लालवावु, यमलाल, भानुभक्त लगायतहरु पर्न सक्ने चर्चा एमालेमा भईरहेको छ ।

पदाधिकारीमा भने ३३ प्रतिशत महिला नसमेटिने ओलीले यस अगाडी नै सार्वजनिक रुपमा नै बताईसकेका छन् । यस अगाडी उपाध्यक्ष रहेका युवराज ज्ञवालीलाई भने उनले अनुशासन आयोगको अध्यक्ष बनाउने तयारी गरेका छन् । यसअगाडी आयोग अध्यक्ष अमृत बोहोरा थिए ।