सौराह चितवन । नेकपा एमालेको वन्दशत्र झण्डै १२ घण्टा दिलो भईसक्दा समेत शुरु हुन सकिरहेको छैन । महाधिवेशन प्रतिनिधीहरुलाई खाना खाएर वन्दशत्र हलभित्र प्रवेश गर्न भनेपछि महाधिवेशन प्रतिनिधीहरु हलमा प्रवेश गरिसकेका छन् । सर्वसहमतिको नयाँ नेतृत्व चयनको जिम्मा लिएर ओलीले विहान देखि आफु वसेको होटल पार्क सफारी रिसोर्टमा बसेर गृहकार्य गरेका थिए । करिव नामावली फाइनल भएको बताइएपनि अझै वन्दशत्र शुरु भएको छैन ।

तयार पारेको लिष्टमा अध्यक्षमा केपी ओलीको नाम राखेर अन्य पदाधिकारीमा खाली राखेर अन्य केन्द्रीय सदस्यहरुको नाम फाइनल गरेर प्रिन्ट समेत गरिसकेर नेताहरु ओलीसँगको छलफलवाट वाहिरिएका थिए । त्यसपछि ओलीलाई भेटन पूर्व माओवादी रहेका नेता लेखराज भटट ओली वसेकै होटलमा पुगेर ओलीसँग छलफल गरेका छन् ।

वन्दशत्र हलमा भीम रावल सहितको अध्यक्ष मण्डलको बैठक अहिले वसिरहेको छ ।

दिनभर ओलीसँग नजिक रहेर रोष्टर बनाउन सहयोगी भूमिका खेलेका नेताहरु ओलीसँग छुटिटएर सहमतिको नाम तयार भएको र अहिले अव शुरु हुने वन्दशशत्रमा ओलीले प्रस्तुत गर्ने बताएका छन् । सहमतिको नामलाई एमलेले वन्दशत्रमा पेश गरेर पारित गर्ने तयारी छ । त्यसमा कसैले असहमति जनाए ध्वनीमतवाट निर्णय लिने तयारीमा एमाले छ । तर अध्यक्षमा दावी गरिरहेका भीम रावलले अध्यक्षको दावी छोडेका छैनन । उनले त्यसो गरिए आफुले प्रतिवाद गर्ने बताईरहेका छन् ।

महाधिवेशन हल वाहिर भने एमालेका महाधिवेशन प्रतिनिधी र कार्यकर्ताहरुले अहिले नारावाजी गरिरहेका छन् । ओलीको पक्षमा उनीहरुले नारावाजी गरिरहेका हुन् । आजलाई होइन भोलिलाई , १० वर्ष ओलीलाई, केपी वा जिन्दावाद जस्ता नारा लगाएर वसिरहेका छन् । ओली पनि बन्दशत्र स्थलमा पुगिसकेका छन् । उनी पुगेसँगै उनका समर्थकहरुले उनको पक्षमा चर्काे नारावाजी गरेका छन् ।

ओलीको समर्थनमा नाराजुलुस गरिरहेकाले भीम रावलको विरोधमा आक्कलझुक्कल नारावाजी पनि गरिरहेका छन् ।