काठमाडौँ । कक्षा १२ को परीक्षा नतिजा सार्वजनिक गर्ने विषयमा छलफल गर्न राष्ट्रिय परीक्ष बोर्डको बैठक बस्ने भएको छ । शुक्रबार बिहान ९ बजे बैठक बोलाइएको परीक्षा नियन्त्रकले जनाएको छ ।

बैठक बसेसँगै कक्षा १२ को नतिजा आज सार्वजनिक गर्ने बोर्डको तयारी रहेको छ । नतिजा प्रकाशन गर्न सम्पूर्ण तयारी पूरा भइसकेको छ ।

कक्षा १२ को परीक्षा गत भदौ ३० देखि असोज ८ गतेसम्म लिइएको थियो । देशभरबाट तीन लाख ७५ हजार परीक्षार्थी परीक्षामा सहभागी भएका थिए ।