काठमाडौँ । राष्ट्रिय प्रजातन्त्र पार्टी (राप्रपा)को महामन्त्रीमा रेखा थापा पाराजित भएकी छन् । नायिकासमेत रहेकी रेखा थापालाई पराजित गर्दै महामन्त्रीमा कुन्तीकुमारी शाही निर्वाचित भएकी हुन् ।

राप्रपा निर्वाचन समितिले दिएको जानकारी अनुसार शाहीले २००८ मत ल्याउँदा थापाले १६४० मत प्राप्त गरिन् । शाही कमल थापाको प्यानलबाट र थापा राजेन्द्र लिङ्देन​को प्यानलबाट महामन्त्रीको उम्मेदवारी थिइन् । अध्यक्षमा लिङ्देन​ विजयी भए पनि महामन्त्रीमा थापा पराजित भएकी छन् ।

यस्तै राप्रपाको उपाध्यक्षको ४ पदमा विक्रम पाण्डे, बुद्धिमान तामाङ, ध्रुव बहादुर प्रधान र महिलातर्फ रोशन कार्की विजयी भएका छन् । महामन्त्रीमा खुल्लातर्फ धवल शमशेर राणा र भुवन पाठक विजयी भएका छन् । अब केन्द्रीय सदस्यको मतपरिणाम आउन बाँकी छ ।