काठमाडौं । नेपालका प्रमुख दुई दल नेपाली कांग्रेस र एमालेलाई यसै महिना महाधिवेशनले धपक्कै छोयो । एमालेले माओवादी केन्द्रका अध्यक्ष प्रचण्डको गृहजिल्ला चितवनमा महाधिवेशन सम्पन्न गरेर फर्किसकेको छ । सत्ताको नेतृत्व गरिरहेको कांग्रेसको भने आजदेखि काठमाडौंमा महाधिवेशन शुरु गदैछ ।

पछिल्ला दिनमा प्रमुख राजनीतिक दलका महाधिवेशनका मञ्च, महाधिवेशनमा निम्ताइने अतिथि, मञ्चमा प्रयोग गरिएका प्रविधि र मञ्च ब्यवस्थापनका अन्य कतिपय ब्यवस्थापनका कारण चर्चामा हुने गरेका छन् । एमालेले आफ्नै पार्टीका केन्द्रीय सदस्य समेत रहेका मजदुर नेता बिनोद श्रेष्ठको संयोजनमा पाचौं महाधिवेशन यताका हरेक महाधिवेशनमा मञ्च ब्यवस्थापन गदै आएको छ । करिव ७० लाख रुपैयाँ खर्च गरेर एमालेले चितवनको नारायणी नदी किनारमा आकर्षक मञ्च निर्माण गरेको थियो ।

यता काग्रेसले भने ४० लाख रुपैयाँ खर्च गरेर रोशन आर्ट सर्भिस, शंखमूललाई मञ्च बनाउने ठेक्का दिएको थियो ।

एमालेले महाधिवेशनको प्रचार लोगो र झन्डा सार्बजनिक गरेको गैडाको मस्कट मञ्चको छेउमा राखेको थियो । महाधिवेशन लाई थप आकर्षक बनाउन चितवनको पहिचान झल्कने एमालेको झन्डा समाएको गैडाको मस्कट उसले मञ्चको छेउमै राखेको थियो । मञ्च रातो कपडाले सजाएको थियो । तर कांग्रेसको मञ्चमा भने रातो र हरियो रंगका कपडा प्रयोग गरिएको छ। नेपाली कांग्रेसको झन्डा रातो र चुनाव चिह्न रूख भएकाले त्यसैको रंग संयोजन गरेर मञ्च तयार पारिएको छ ।

यस्तो छ कांग्रेस महाधिवेशनको मञ्च

यस्तो थियो एमाले महाधिवेशनको मञ्च