मैले हारेँ भने मलाई प्रधानमन्त्रीबाट हटाउँछन् : देउवा (भिडियोसहित)

महाधिवेशन प्रतिनिधीसँग देउवा

मैले हारेँ भने मलाई प्रधानमन्त्रीबाट हटाउँछन् : देउवा (भिडियोसहित)

मेरोन्यूज २०७८ मंसिर २६ गते ११:००

काठमाडौं । प्रधानमन्त्री शेरवहादुर देउवाले कांग्रेसको जारी महाधिवेशनमा आफुले जसरी पनि सभापति जित्नै पर्ने वताएका छन् । आफुले महाधिवेशनमा चुनाव नजिते प्रधानमन्त्री पदवाट पनि आफुलाई हटाउने भएकोले जसरी पनि जित्नै पर्ने बताएका हुन् ।

आफु निकटका आदीवासी जनजाति महाधिवेशन प्रतिनिधीसामु देउवाले त्यस्तो बताएका हुन् । लैनचौरको एक बैंक्वेटमा आदीबासी जनजाती विभागले आयोजना गरेको महाधिवेशन प्रतिनिधीहरुसँगको कार्यक्रममा देउवाले आफुलाई जिताउन महाधिवेशन प्रतिनिधीसँग आग्रह गरेका हुन् ।

‘मैले हारेँ भने मलाई प्रधानमन्त्री बाट हटाउँछन् । त्यसैले मैले जित्नै पर्छ । मलाई जिताइदिनु होला,’ देउवाले भने,-‘पार्टीको चुनाव पनि नजित्नेले देश कसरी चलाउँछन् भनेर मलाई प्रश्न गर्छन् । त्यही भएर मलाई सरकारबाट हटाउन सक्छन् । मलाई जिताइदिनु होला ।’

आफूले सभापति हारेमा धेरै प्रश्न उठ्ने पनि देउवाको भनाई थियो । कांग्रेसलाई सबैको पार्टी बनाएर लैजानुपर्ने भएकाले सबै जनजातिलाई आरक्षण दिएको पनि प्रधानमन्त्री देउवाले बताएका थिए ।