काठमाडौँ । राष्ट्रपति विद्यादेवी भण्डारी आइतबार दिउँसो जुम्ला पुगेकी छन् । जुम्लास्थित कर्णाली स्वास्थ्य विज्ञान प्रतिष्ठानमा सुरु हुन लागेको एमबिबिएस अध्ययनको उद्घाटन गर्न उनी जुम्ला पुगेकी हुन् ।

जुम्लामा चिकित्सा शिक्षा आयोगले एमबिबिएस पढाईका लागि २० वटा कोटा छुटाइएको छ । जसमा १९ जना भर्ना भएका छन् ।

प्रतिष्ठानप्रति राष्ट्रिय र अन्तर्राष्ट्रिय जगतको ध्यान केन्द्रित गर्न एमबिबिएस उद्घाटनका लागि राष्ट्रपतिलाई बोलाइएको रजिष्ट्रारले जनाएको छ ।

राष्ट्रपति भण्डारीले ७६ करोड लागतमा बन्दै गरेको प्रतिष्ठानको शैक्षिक भवनको शिलान्यास गरेकी छन्।