काठमाडौं । संघीय संसदको दशौं अधिवेशन शुरु हुनुअघि सोमवार सांसदहरुको कोरोना परीक्षण गरिने भएको छ ।

मंगलवारदेखि संघीय संसदको दुवै सदनको अधिवेशन शुरु हुँदैछ ।

संसद सचिवालयलेसूचना जारी गरी प्रतिनिधि सभाका सभामुख, राष्ट्रिय सभाका अध्यक्ष, उपाध्यक्ष, प्रतिनिधि सभा एवं राष्ट्रिय सभाका सबै साँसदहरु, संघीय संसदका महासचिव तथा सचिवहरु तथा विभिन्न महाशाखाका प्रमुखसहित सम्बन्धित महाशाखाका कर्मचारीहरु, मर्यादापालक एवं सुरक्षाकर्मीहरुको पनि कोरोना परीक्षण गरिने जनाएको छ ।

बिहान ११ बजेदेखि ३ बजेसम्म बानेश्वरस्थित संसद भवन रहेको अन्तर्राष्ट्रिय सम्मेलन केन्द्र, स्काई लाइट हलमा एन्टीजेन परीक्षणको व्यवस्था मिलाइएको छ । संघीय संसदको दशौं अधिवेशन मंगलबार दिउँसो २ बजका लागि बोलाइएको छ ।

दशौं अधिवेशनमा अमेरिकी सहयोग परियोजना एमसीसी लगायतका प्रस्ताव टेवल हुने सम्भावना रहेको छ ।