काठमाडौँ । बागमती प्रदेशका नवनियुक्त मन्त्रीहरुले पद तथा गोपनीयताको शपथ लिएका छन् । मंगलबार नियुक्त भएका पाँच मन्त्रीलाई प्रदेश प्रमुख यादव चन्द्र शर्मा र एक राज्यमन्त्रीलाई मुख्यमन्त्री राजेन्द्रप्रसाद पाण्डेले पद तथा गोपनीयताको शपथ खुवाएका हुन् ।

शपथ लिनेमा श्रम, रोजगार तथा यातायात मन्त्रीमा माओवादी केन्द्रका घनश्याम दाहाल, खानेपानी ऊर्जा तथा सिँचाइ मन्त्रीमा एकीकृत समाजवादीका वसन्तप्रसाद मानन्धर, कृषि तथा पशुपंक्षी मन्त्रीमा समाजवादीका वसुन्धरा हुमागाईं, वन तथा वातावरण मन्त्रीमा माओवादीका विशाल खड्का, युवा तथा खेलकुद मन्त्रीमा माओवादी केन्द्रका रत्नप्रसाद ढकाल रहेका छन् ।

यस्तै कृषि तथा पशुपंक्षी राज्यमन्त्रीमा एकीकृत समाजवादीका इन्द्रमाया गुरुङ रहेकी छन् ।