काठमाडौँ । मिलिनियम च्यालेन्ज कर्पोरेसन (एमसीसी)को बिरोधमा गरिएको प्रदर्शनमा घाइते भएकाको निःशुल्क उपचार र प्रक्राउ गरिएकालाई रिहा गर्न माग गरिएको छ । मंगलबार नयाँ बानेश्वरस्थित संघीय संसद भवन बाहिर एमसीसीविरुद्ध प्रदर्शन गर्दा प्रहरी र प्रदर्शनकारी बीच झडप हुँदा कार्यकर्ता घाइते भएका छन् चने प्रदर्शनकारीलाई प्रहरीले प्रक्राउ गरेको थियो ।

सिपी गजुरेलको नेतृत्वमा रहेको देशभक्त जनगणतान्त्रिक मोर्चा, नेत्रविक्रम चन्द विप्लव नेतृत्वको नेपाल कम्युनिष्ट पार्टी, विश्वभक्त दुलाल आहुति नेतृत्वको वैज्ञानिक समाजवादी कम्युनिष्ट पार्टी, नेपाललगायतका घटकहरुले संयुक्त प्रेस विज्ञप्ति जारी गर्दै घाइतेको निःशुल्क उपचार र प्रक्राउ गरिएका कार्यकर्तालाई तत्काल रिहा गर्न माग गरिएको छ । एमसीसीको विरोध गर्दै सडकमा उत्रिनेहरुलाई प्रहरीले बलपूर्वक हटाएको थियो भने केही युवाहरुको समुहलाई प्रहरीले नियन्त्रणमा लिएको थियो । उनीहरुले एमसीसी फिर्ता नगरे कडा आन्दोल गर्ने चेतावनी दिएका छन् ।