काठमाडौँ । नेपाली कांग्रेसको १४ औँ महाधिवेशनअन्तर्गत अहिले महामन्त्री पदको मत गणना जारी छ । जारी मतगणनामा गगन थापाले दुईतिहाई ल्याएर जित सुनिश्चित गरेका छन् भने दोस्रो स्थानमा रहेका विश्वप्रकाश शर्मा पनि जित नजिक पुगेका छन् ।

कांग्रेसको सभापति र उपसभापतिको मतगणनापछि महामन्त्री पदका लागि मतगणना भएको हो । ३ हजार ८ सय ६७ मत गण्ना गर्दा थापाले २ हजार ५१८, शर्माले १ हजार ५९०, डा. प्रकाशशरण महतले १ हजार २९६, प्रदीप पौडेलले १ हजार १६७, मिनेन्द्र रिजालले ६७९, डा. राजाराम कार्कीले ८७ मत प्राप्त गरेका छन् ।