काठमाडौँ । प्रधानमन्त्री शेरबहादुर देउवाले संघीय संसदमा प्रतिनिधित्व गर्ने दलहरुको सर्वदलीय बैठक बोलाएका छन् । देउवाले प्रधानमन्त्रीको सरकारी निवास बालुवाटारमा आइतबार दिउँसो ४ बजेका लागि सर्वदलीय बैठक बोलाइएका हुन् ।

शुक्रबार प्रधानमन्त्री देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भएको भेटवार्तामा सर्वदलीय बैठक बोलाउने सहमति भएको थियो ।

बैठकमा अमेरिकी सहयोग परियोजना मिलिनियम च्यालेन्ज कर्पोरेसन (एमसिसी) संसदबाट पारित गर्ने र नेकपा एमालेले संसदमा गरिरहेको अवरोधको अन्त्यका विषयमा छलफल हुने बताइएको छ ।