काठमाडौं । नेपाली कांग्रेसको जारी १४ महाधिवेशनमा कर्णाली प्रदेशतर्फको खुला केन्द्रीय सदस्यमा उम्मेदवारी दिएका हृदयराम थानी एक मतले पराजित भएका छन् ।

खुला केन्द्रीय सदस्यको मतगणना अनुसार नेता रामचन्द्र पौडेल पक्षका नेता हृदयराम थानी १ मतले पराजित भएका हुन् ।

कर्णालीको दुई खुला केन्द्रीय सदस्यमा राजीवविक्रम शाह र कर्णबहादुर बुढा विजयी हुँदा थानी एक मतले पराजित भएका हुन् । शाहले २८२० र बुढाले २२०० मत प्राप्त गरेका छन् । विजयी दुबै सभापति शेरबहादुर देउवा पक्षका हुन् । थानीले २१९९ मत प्राप्त गरे ।

सुर्खेत क्षेत्र नम्बर २ का नेता थानी पूर्व मन्त्रीसमेत हुन् ।