काठमाडौँ । नेपालमा थप एकजनामा कोरोना भाइरस (कोभिड- १९) को नयाँ भेरियन्ट ओमिक्रोनको संक्रमण पुष्टि भएको छ । बुधबार प्रेस ब्रिफिङमा स्वास्थ्य मन्त्रालयकी प्रवक्ता संगीता कौशल मिश्राले थप एकजनामा ओमिक्रोन संक्रमण पुष्टि भएको जानकारी गराइन् । मन्त्रालयका अनुसार जिन सिक्वेन्सिङ गर्दा ९८ वर्षका वृद्धमा ओमिक्रोनको संक्रमण पुष्टि भएको हो ।

उनलाई स्वास्थ्य मन्त्रालयको निगरानीमा होम आइसोलेशनमा राखिएको र उनको सम्पर्कमा आएकाहरुको र कन्ट्याक्ट ट्रेसिङ भइरहेको प्रवक्ता मिश्रले जानकारी गराइन् । यसअघि नेपालमा दुई जनामा ओमिक्रोन भेरियन्टको संक्रमण पुष्टि भएको थियो । यस्तै स्वास्थ्य मन्त्रालयका अनुसार २२ जनामा डेल्टा भेरियन्टको पुष्टि भएको छ ।

यसैबीच पछिल्लो २४ घण्टामा देशभर थप २३६ जनामा कोराना संक्रमण पुष्टि भएको छ । सो समयमा २७२ जना कोरोना संक्रमणबाट मुक्त भएका छन् भने २ जनाको मृत्यु भएको छ ।