काठमाडौं । अभिनेत्री वर्षा सिवाकोटीले नेपालकै ठूलो रिटेल चेन सुपरमार्केट ‘साथी मार्ट’ को नयाँ आउटलेटको उदघाटन गरेकी छन् ।

टोखा मिलनचोकमा नेपालकै ठूलो रिटेल चेन सुपरमार्केट ‘साथी मार्ट’ को नयाँ आउटलेटको उद्घाटन गर्दै उनले घरमा आवश्यक पर्ने ग्रोसरी सपिङ आफ्नो समय र लोकेशन हेरेर गर्ने गरेको बताइन् । घरका लागि ग्रोसरी सपिङ आफूले भन्दा बढी आमाले गर्ने गरेको सिवाकोटीले बताइन् ।

‘साथी मार्ट’ ले अनलाइनबाट दिने सुविधाले पनि आम मानिसको जीवनलाई सहज बनाएको उनको भनाई छ । लकडाउनको समयमा अनलाइन सपिङबाहेक अरु विकल्प नहुँदा अनलाइन सपिङले ठूलो भूमिका खेलेको उनको भनाई थियो ।

ओ टु ओ (अनलाइन टु अफलाइन) सुविधासहित टोखामा ‘साथी मार्ट’ को आउटलेट सुरू भएको हो । उपभोक्ताले ‘साथी मार्ट’ को मोबाइल एप वा आधिकारिक वेबसाइटमा आफूलाई आवश्यक पर्ने सामान अर्डर गरी मगाउन सकिने सिइओ सागर पोख्रेलले बताए ।

आउटलेटमा ग्रोसरी, कस्मेटिक, बेकरी, होमकेयर, बेबिकेयर, किचन वयर, लिकर, बर्थ डे, गिफ्ट, तरकारी फलफूल, इलेक्ट्रोनिक्स लगायतका सामान उपलब्ध हुने बताइएको छ । ‘साथी मार्ट’ को ब्रान्ड एम्बास्डरमा सुपरस्टार राजेश हमाल रहेका छन् ।