काठमाडौं । सरकारले ६० वर्षमाथिका जेष्ठ नागरिक र दीर्घ रोगीलाई कोभिडविरुद्धको अतिरिक्त डोज (बुस्टर डोज) दिने निर्णय गरेको छ । राष्ट्रिय खोप सल्लाहकार समितिको सुझाव अनुसार स्वास्थय मन्त्रालयले उक्त निर्णय गरेको छ ।

खोप सल्लाहकार समितिका एक सदस्यका अनुसार अतिरिक्त मात्रा (बुस्टर डोज) मुटु, मिर्गौला, क्यान्सर, एचआइभी आदि रोग प्रतिरोधात्मक क्षमता कमजोर भएका व्यक्तिलाई दिन समितिले मन्त्रालयलाई सुझाब दिएको छ ।

मन्त्रालयले सोमबार नै प्रदेश तथा स्थानीय तहलाई अतिरिक्त मात्रा (बुस्टर डोज) लगाउनेबारे पत्राचार गरेकोे छ । हाल अतिरिक्त मात्राका लागि भेरोसेल र कोभिसिल्ड खोप उपलब्ध गराइएको छ। सरुवा रोग विशेषत्र डा. शेरबहादुर पुनले सामान्यतया पूर्ण खोप लगाइसके ६ महिनापछि एन्टीबडी बनाउने कोषिकालाई पुनः सक्रिय बनाउन ‘बुस्टर डोज’ दिइने बताए ।

‘शरीरमा एन्टीबडी कम हुँदै जाँदा पुनः एन्टीबडी बढाउन लगाइने खोप हो, ‘बुस्टर डोज ।’– उनले भने ।

विश्व स्वाथ्य संगठनले पछिल्लो केही दिनअघि (क्रस) मिक्सम्याक्स खोप लगाउन मिल्ने जनाएको छ । अहिलेसम्म लक्षित जनसंख्याको ५१ प्रतिशतले कोभिड खोपको पूर्ण मात्रा लगाएका छन् ।

इजरायलले चौथो बुस्टर दिन सुरु गरिसकेको छ । तर नेपालमा बुस्टर डोज सुरु गर्नुपर्ने विज्ञहरुले बताउँदै आएका छन् ।

यो पनि पढ्नुस्

बुस्टर डोज दिँदा फरक फरक खोप दिन मिल्छ ?