काठमाडौं । नेपालमा पछिल्लो २४ घण्टामा थप २२० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ६ हजार ४३३ जनाको पीसीआर परीक्षण र १ हजार १ सय ७५ जनाको एन्टिजेन विधिबाट परीक्षणा गर्दा २२० जनामा संक्रमण पुष्टी भएको हो ।

पछिल्लो २४ घण्टामा कोरोना संक्रमण भएका थप दुई जनाको मृत्यु भएको मन्त्रालयले जनाएको छ ।

सोही अवधिमा देशभरबाट २ सय ५३ जना कोरोना संक्रमणमुक्त भएको पनि मन्त्रालयले जनाएको छ।
अहिले नेपालमा ४ हजार ८ सय ६४ जना कोरोनाका सक्रिय संक्रमित छन् ।