काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले महाधिवेशनबा ट आउने नयाँ केन्द्रीय समितिले दुः ख पाउने बताएका छन् ।

अहिलेका जस्तै केन्द्रीय सदस्यले काठमाडौंमा बस्न नपाउने भन्दै उनले कम्तीमा ६ महिना गाँउमा गएर उत्पादनसँग जोडिने, जनतासँग जोडिने गरी कार्यक्रम बनाउने र अध्ययन अनुसन्धानका लागि गाँउ जान पर्ने भएकोले दुःख पाउने बताएका हुन ।

केन्द्रीय समितिमा को पर्छन ? को पदैनन भन्ने बारेमा आफूलाई कुनै जानकारी अहिले नरहेको भन्दै प्रचण्डले आफूले महाधिवेशनमा पेश गरेको दस्तावेजले पार्टी केन्द्रीय सदस्य बन्नेलाई काठमाडौंमा बस्न नदिने बताएका हुन् ।

‘को केन्द्रीय कमिटिमा पर्छ, पदैन ? मलाई पनि थाहा छैन,’ प्रचण्डले भने,–‘तर अब आउने केन्द्रीय समिति सदस्यले असाध्यै दुुःख पाउनेवाला छ । दुःख पाउँदैछ अब आउने केन्द्रीय सदस्यले । त्यो काठमाडौं बस्न पाउँदैन । यो दस्तावेजले काठमाडौं बस्न दिदैन । कोहि लोभिनुभएको छ भने नलोभिनुहोला । केन्द्रीय सदस्यले ६ महिना जनतासँग जोडिन, उत्पादन सँग जोडिन गाँउ जानै पर्छ । मेरो प्रस्ताव त्यो छ ।’