काठमाडौं ।चिकित्सा शिक्षा आयोगले निर्धारण गरेको भन्दा अक्तिरित शुल्क बुझाउँन विद्यार्थीलाई दबाब दिई पठनपाठन रोक लगाएका मेडिकल कलेजको छानबिन गरी प्रतिवेदन पठाउँन गृह मन्त्रालयले जिल्ला प्रसासन कार्यालयलाई निर्देशन दिएको छ ।

मन्त्रालयले ललितपुर ,भक्तपुर, मोरङ, सुनसरी, धनुषा, पर्सा, चितवन, कास्की, रुपन्देही, बाँके र जुम्ला जिल्ला प्रसासनलाई कानून विपरित अक्तिरिक्त शुल्क बुझाउँन विद्यार्थीलाई दबाब दिई पठनपाठन रोक लगाएका मेडिकल कलेजको छानबिन गरी प्रतिवेदन पठाउँन निर्देशन दिएको हो ।
तोकिएको भन्दा बढी शुल्क असुल्ने मेडिकल कलेजलाई कानुनको दायरामा ल्याउँन आवश्यक पहल गर्न र सो-को प्रतिवेदन पठाउँनगृहले आग्रह गरेको छ।

यसअघि गत विहिबार डा गोविन्द केसीेले प्रधानमन्त्री शेरबहादुर देउवालाई केएमसी लगायतका कलेजले विद्यार्थीलाई २० लाखभन्दा बढी शुल्क मागेको विषयमा छलफल गरेका थिए । उक्त छलफलमा देउवाले कानुन विपरित कार्य गर्ने मेडिकल कलेजलाई कावार्ही गर्ने बताएका थिए ।

त्यसैगरी, गत साता मात्र काठमाडौं मेडिकल कलेज (केएमसी)ले अन्य अक्तिरित २०लाख रकम विद्यार्थीलाई मागेपछि विद्यार्थीहरुले जिल्ला प्रसासन कार्यालय काठमाडौंमा उजुरी दिएका थिए । उजुरी पश्चात केमसीका सञ्चालक सुनिल शर्माले जिल्ला प्रसासनले बोलाएको थियो । तर उक्त विद्यार्थी र सञ्चालकको छलफल विना निष्कर्ष टुगिएको थियो ।