नयाँ दिल्ली । भारतको नयाँ दिल्लीका मुख्यमन्त्री अरबिन्द केजरीवाललाई कोरोनाको नयाँ संक्रमण देखिएको छ । उनलाई नयाँ भेरिएन्टको मझौला लक्षण देखिएको भारतीय सञ्चारमाध्यामहरुले जनाएका छन् । कोभिड संक्रमणपछि उनी आइसोलेसनमा रहेका छन् ।

भारतमा कोरोनाको नयाँ संक्रमण तीब्र रुपमा फैलिएको छ । दैनिक ३५ हजारको हाराहारीमा नयाँ संक्रमित थपिएका छन् । पछिल्लो साता कोभिड संक्रमितको संख्या २२ प्रतिशतले बढेको छ । भारतमा कोभिडको तेस्रो लहर सुरु भइसकेको विज्ञहरुले बताएका छन् ।

भारतमा अहिलेसम्म एक हजार ७ सय जनामा नयाँ भेरियन्ट देखिएको छ । तीमध्ये महाराष्ट्रमा सबैभन्दा बढी अर्थात ५१० जनामा संक्रमण देखिएको छ ।