काठमाडौं । केही दिनयता छिमेकी मुलुक भारतमा कोरोना संक्रमण ह्वात्तै बढेको छ ।

कोरोना बढेपछि भारतका विभिन्न राज्यहरुमा कफ्र्यू लगाइएको छ भने पूर्व निर्धारित विभिन्न कार्यक्रमहरु स्थगित गरिएका छन् ।

भारतका कोरोना बढ्दै जाँदा नेपालमा भने ठूला ठूला सम्मेलन महाधिवेशनहरु भए । छिमेकी मुलुक भारतमा कोरोना फैलिएको कोभिड संक्रमणको कुनै प्रवाह भएन ।

नेपालमा पनि अहिले कोरोना संक्रमण बढ्दै गएको छ ।

बिहीबार मात्रै नेकपा माओवादी केन्द्रको केन्द्रीय कार्यालयका दुई जनाबाहेक सबैलाई कोरोना संक्रमण पुष्टी भएको छ । कोरोना पुष्टी भएपछि माओवादी केन्द्रका अध्यक्ष पुष्पकमल दाहाल प्रचण्डले राजनीतिक भेटघाट बन्द गरेका छन् ।

अहिले पनि विभिन्न राजनीतिक दलहरुको भेला सम्मेलनहरु जारी नै छन् । एमालेले शुक्रबारदेखि सबै जिल्लामा अधिवेशन गर्दैछ । ७७ वटै जिल्लाको एकसाथ गर्न लागिएको अधिवेशनको अध्यक्ष केपी शर्मा ओलीले भर्चुअल माध्यामबाट सम्बोधन गर्ने भएका छन् ।

अन्य राजनीतिक दलहरु पनि कोरोना बढ्दै गएपछि खुम्चिन थालेका छन् । राजनीतिक दल तथा विभिन्न संघ संगठनहरुले आफ्नो पूर्व निर्धारित कार्यक्रमरु रोक्न थालेका छन् ।

कोरोनाकै कारण प्रधानमन्त्री शेरबहादुर देउवा सहभागी हुने भनिएको भारतको गुजरातमा हुन लागेको ‘भाइब्रेन्ट गुजरात समिट’ पनि स्थगित गरिएको छ ।