काठमाडौं । यस वर्षको माध्यामिक शिक्षा परीक्षा (एसईई) आगामी वैशाखमा हुने हुने भएको छ ।

कोरोना महामारीका कारण असारमा मात्रै पठनपाठन शुरु भएकाले एसईई परीक्षा एक महिना ढिला लिन लागिएको हो ।

७७ वटै जिल्ला र पालिकाबाट चैतमहिनाभर पठनपाठन गर्ने सुझाव आएकाले एसईई वैशाखमा लिने निर्णय गरिएको शिक्षा विज्ञान तथा प्रविधि मन्त्रालयका सहसचिव तथा प्रवक्ता दीपक शर्माले बताए ।

गत वर्ष ५ लाख १७ हजार विद्यार्थी एसईईमा सामेल भएका थिए । यो वर्षको परीक्षार्थीको संख्या भने निश्चित भएको छैन ।
यसैबीच, यस वर्षको नयाँ शैक्षिक सत्र पनि वैशाखबाट नै सञ्चालन गर्ने तयारी भएको मन्त्रालयले जनाएको छ ।