काठमाडौँ । सञ्चारमन्त्री ज्ञानेन्द्र बहादुर कार्कीको कोरोना भाइरस (कोभिड–१९) को रिपोर्ट नेगेटिभ आएको छ । आज गरेको कोरोना परीक्षणमा उनको रिपोर्ट नेगेटिभ आएको हो ।

उनको अर्को परीक्षण आगामी शुक्रबार हुने भएको छ । कोरोनाको दोस्रो परीक्षणअघि उनले नियमित भेटघाट बन्द गरेका छन् ।

सरकारका प्रवक्तासमेत रहेका मन्त्री कार्की सत्तारुढ दलका शीर्ष नेताहरुको बैठकमा सहभागी हुँदै आएका थिए । शुक्रबार मात्रै बसेको सत्तारुढ दलका शीर्ष नेताहरु संलग्न उच्चस्तरीय राजनीतिक समन्वय समितिको बैठकमा मन्त्री कार्की सहभागी थिए ।

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेता नारायणकाजी श्रेष्ठलाई कोरोना संक्रमण देखिएपछि प्रधानमन्त्री शेरबहादुर देउवाले शनिबारदेखि नै भेटघाट बन्द गरेका छन् ।