काठमाडौँ । नेपालमा पछिल्लो २४ घण्टामा एक हजार १६७ जनामा कोरोना भाइरस (कोभिड–१९) पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार देशभर थप एक हजार १६७ जनामा कोरोना पुष्टि भएको हो ।

कूल १२ हजार ६३२ नमुना परीक्षण गर्दा उनीहरूमा कोरोना पुष्टि भएको हो । संक्रमितमध्ये ६१५ जना काठमाडौँ उपत्यकाका मात्रै रहेका छन् ।
जसमा काठमाडौँमा ४९१, ललितपुरमा ९९ र भक्तपुरमा २५ जना छन् ।

सोही अवधिमा २२४ जना निको भएका छन् । यस्तै, २ जनाले ज्यान गुमाएका छन् ।