काठमाडौं । नेपालमा कोरोना संक्रमण बढ्दो क्रममा रहेको छ । सबैभन्दा बढी काठमाडौंमा कोरोना बढेको छ ।

पछिल्लो २४ घण्टामा काठमाडौं उपत्यकामा मात्रै १५ सय बढी जना संक्रमित थपिएका छन् ।

पछिल्लो २४ घण्टामा विभिन्न प्रयोगशालामा गरिएको परीक्षणमा १५३८ जनामा कोरोना भाइरस (कोभिड–१९) संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार बुधबार काठमाडौं जिल्लामा ११२८ जना, ललितपुर जिल्लामा २३६ जना र भक्तपुर जिल्लामा १३४ जनामा कोरोना संक्रमण देखिएको छ ।

पछिल्लो २४ घण्टामा नेपालमा ३ हजार ७५ जनामा कोरोना संक्रमण पुष्टि भएको छ ।