काठमाडौं । राष्ट्रिय जनमोर्चाले प्रदेश सम्मेलनहरु सारेको छ । कोभिड संक्रमणका कारण माघ १५ र १६ गते गर्न लागेको सातवटै प्रदेशहरुको प्रदेश सम्मेलन फागुन ६ र ७ गते गर्ने गरी सारिएको अध्यक्ष चित्रवहादुर केसीले वक्तब्यमार्फत जनाएका छन् ।

‘माघको १५ र १६ गते तोकिएकोमा कोरोनाको नयाँ भेरियन्टको बढ्दो संक्रमण र कतिपय आवश्यक तयारीको कारणले गर्दा प्रदेश सम्मेलनहरु आगामी फागुन ६ र ७ गते गर्ने निर्णय भएको छ,’ केसीले विहिवार विहान जारी गरेको वक्तब्यमा उल्लेख छ ।