नेपाल पत्रकार महासंघका अध्यक्ष विपुल पोखरेलमाथि प्रश्न गर्दै महासंघको बैठक अवरुद्ध भएको छ । अध्यक्ष नै मिडिया अवार्डका नाममा ठगी धन्दामा संलग्न रहेकाले छानबिन हुनु पर्ने माग राख्दै महासंघले कपिलस्तुमा सुरु गर्न लागेको बैठक अवरुद्ध भएको हो ।

बैठक सुरु हुनासाथ महासंघका केन्द्रीय सदस्यहरुले मिडिया अवार्डका नाममा महासचिवको हस्ताक्षर दुरुपयोग, अध्यक्षले विभिन्न ठाउँमा फोनलगायत अध्यक्षले संस्थागत मान्यता दिएको घटनाको छानबिन हुनु पर्ने माग राखेका थिए ।

अध्यक्ष आफै ठगी धन्दामा संलग्न रहेको आरोप लागेपछि उनको अध्यक्षतामा बैठक बस्न नसक्ने सदस्यहरुले अडान थियो ।