काठमाडौं । बतास अर्गनाइजेशनको ठेक्का प्रकरणबारेको सात बुँदे प्रष्टीकरण प्रकाशित भएपछि बतास अर्गनाइजेशनले शुक्रबार धन्यवाद विज्ञप्ति प्रकाशित गरेको छ ।

७ बुँदे प्रष्टीकरणको सार्वजनिक करणमा नेपालका सबै प्रकारका सञ्चार माध्यमहरूले सहयोग गरेको भन्दै अर्गनाइजेशनले कृतज्ञता व्यक्त गरेको छ ।

‘हामीले आफ्ना तर्फबाट हामीलाई बदनाम गर्ने उद्देश्यले उठाइएका सबै प्रश्नहरूबारे प्रतिक्रिया सार्वजनिक गरेपछि सबैलाई क्षणभरको लागि भ्रममा राख्न सकिन्छ तर सबैलाई सँधैको लागि ढाँट्न सकिँदैन भन्ने तथ्य फेरी एक पटक स्थापित भएको छ ।’– विज्ञप्तिमा भनिएको छ ।

नेपाल उद्योग वाणिज्य सङ्घ, पोखरा उद्योग वाणिज्य सङ्घ लगायतका नेपाली उद्योगी÷व्यवसायीका छाता सङ्गठनले पनि सहयोग गरेको भन्दै अर्गनाइजेशनले आभार ब्यक्त गरेको छ ।