सुर्खेत । नेकपा एमालेका नेता यमलाल कँडेलले माओवादी केन्द्र पार्टी नै नभएको आरोप लगाएका छन् । प्रेस चौतारी नेपालको सुर्खेत जिल्ला सम्मेलनलाई सम्वोधन गदै नेता कँडेलले माओवादीसँग कुनै सिद्धान्त, राजनीति नै नरहेको भन्दै त्यस्तो आरोप लगाएका हुन् ।

माओवादी कुनै पार्टी नै होइन, त्यो हारालुट पार्टी हो, नेता कँडेलले भने,- माओवादीसाग सम्पक्ति पैसा र भविश्य छ भन्नेहरुमात्र रहने हो, जव त्यो देखिदैन, त्यसपछि त्यसका नेता कार्यकर्ता यताउता लागिहाल्छन्, त्यसकारण त्यो पार्टी नै होइन, माओवादी हारालुट पार्टी हो ।

उनले काग्रेसलाई महाधिवेशनवाट तंग्रिनै समय लाग्ने र एमाले मात्र जनताको वास्तविक पार्टी रहेको जिकिर गरे । एमाले पनि हिजोको अवस्थावाट नचल्ने भन्दै नयाँ ढंगले रुपान्तरण सहितको पार्टी निर्माण भएर आईसकेको बताए ।