काठमाडाैं । सरकारले आह्वान भइसकेको संसद अधिवेशन स्थगित गरेर दुईवटा अध्यादेश ल्याएको छ।

सोमबार बसेको मन्त्रिपरिषद्को बैठकले संवैधानिक परिषद्सम्बन्धी अध्यादेश र सहकारी सम्बन्धी अध्यादेश ल्याउने निर्णय गरेको हो ।

यसअघि प्रधानमन्त्री बालेन शाह नेतृत्वको मन्त्रिपरिषदले वैशाख ८ गते गरेको सिफारिस अनुसार राष्ट्रपति रामचन्द्र पौडेलले संघीय संसदका दुवै सदनको अधिवेशन आह्वान गरेका थिए। तर आह्वानको भोलिपल्टै सरकारकै सिफारिसमा विशेष कारण देखाउँदै अधिवेशन स्थगित गरेकाथिए ।

यही मौका पारेर सरकारले संसदीय प्रक्रिया छल्दै दुईवटा अध्यादेश जारी गर्न राष्ट्रपति कार्यालय पठाएको हो। अहिले ती अध्यादेशमाथि अध्ययन भइरहेकाे राष्ट्रपति निकट स्राेतले जानकारी दिएकाे छ ।