काठमाडौं । नेपालमा कोरोना संक्रमण हालसम्मकै धेरै पुष्टि भएको छ । एकैदिन ११ हजार बढीलाई संक्रमण पुष्टी भएको छ ।

पछिल्लो २४ घण्टामा ११ हजार ३५२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

स्वास्थ्य मन्त्रालयका सहायक प्रवक्ता समीर कुमार अधिकारीले बुधबार भएको संक्रमण पुष्टि हालसम्मकै उच्च भएको नियमित प्रेस ब्रिफिङमा जानकारी दिए ।

कुल २३ हजार ४०९ वटा नमुना परीक्षण गर्दा ११ हजार ३५२ जनामा संक्रमण पुष्टि भएको उनले बताए ।

सोही अवधिमा कोरोना संक्रमण पुष्टी भएका चार जनाको मृत्यु भएको छ ।

मंगलबार १० हजार दुई सय ५८ जनामा कोरोना संक्रमण पुष्टि भएको थियो ।