काठमाडौं । नेपाली कांग्रेसका महामन्त्री गगन थापाले चुनावले कांग्रेसलाई सबैभन्दा बढी लाभ हुने भए पनि संविधान मिचेर अघि बढ्ने कुुुरा स्वीकार्य नहुने बताएका छन् । उनले वैशाखमा संसदीय चुनाव गर्न नेकपा माओवादी केन्द्रका अध्यक्ष पुष्पकमल दाहाल प्रचण्डले राखेको प्रस्तावमा टिप्पणी गर्दै कांग्रेस क्षणिक लाभका लागि संविधान मिचेर अघि बढ्न तयार हुन नहुने बताएका हुन् ।

उनले भने,‘अब हुने चुनावबाट सबैभन्दा बढी लाभ लिने पार्टी नेपाली कांग्रेस नै हो तर, संविधान मिच्ने कुरा हामीले स्वीकार गर्न हुदैन ।

संविधानको रक्षा गरेर लोकतन्त्र अघि बढाउनुपर्ने भन्दै अहिले स्थानीय तहकै निर्वाचन घोषणा गरेर अघि बढ्नुपर्ने उनले बताए ।

केपी ओली र उनको पार्टी नेकपा एमालेले मिति भन्दाअगावै चुनावमा जाने बहस चाहेको भन्दै उनीहरुको ‘फेस सेभिङ’का लागि बहस गरेर गठबन्धनले समय बर्बाद गर्न नहुने बताए ।